Ecrîn Erîma ku li Taxa Bagcilara navçeya Rezan bi tevî dîya xwe Bûşra Erîm û xaltîya xwe ve dijîya, ji dîya xwe re peyamek avêtibû û gotibû, “Dayê min meraq neke, êdî tebatî nayê min. Ez diçim bavê xwe digerim.” Û ji malê derketibû.
Bûşra Erîma dîya Ecrîn ku xeber ji qîza xwe nestand, çû qereqolê û serîlêdana windabûyînê kir.
Walîtîya Dîyarbekirê, daxuyand ku ew, Ecrîna ku herî dawîn peyamekî wek ‘Ez diçim bavê xwe digerim’ avêtibû û winda bûbû dîtine.
Di daxuyanîya ku ji teref Walîtîyê ve hatîye belavkirin de weha hat gotin, “Li navçeya me ya Rezan a bajarê me, di dîroka 18ê Kanûna 2024an de, ji ser xebernestandina ji Ecrîn E.ya 12 salî ku ji mala xwe derketîye û çûye ji teref dîya wê ve ji yekîneyên me yên ewlehîyê re serîlêdana windabûnîyê hat kirin. Ji teref ekîbên me yên taybet a Midûrtîya Ewlehî ya Dîyarbekirê ve bi tevî îmkanên teknîkî xebateke tîtîz hat kirin û di encama xebatan de zaroka winda bi selametî hatîye dîtin.” (ÎLKHA)