Temsîlkartîya Mêrdînê ya Weqfa Êtîman bi minasebeta meha Remezanê li malbatên êtîm xwarin belav kir.
Pakêtên xwarinê yên ku bi tevkariya xwendekarên Dibistana Navîn a Îmam Hatîp a Hacî Suphiye Bolûnmez hatin amadekirin, ji teref endam û dildarên Weqfa Êtîman ve derî bi derî gihandin zarokên sêwî.
Temsîlkarê Mêrdînê yê Weqfa Êtîman Hadî Çakar der barê alîkariyên ku hatin kirin de agahî da û wiha got: "Me wek Temsîlkartîya Mêrdînê ya Weqfa Êtîman di meha Remezanê de bi tevkariya xwendekarên Dibistana Navîn a Hacî Suphiye Bölünmezê li êtîmên xwe yên li bajêr erzaq belav kir. Em ê bi îzna Xwedê Teala van xebatên xwe bidomînin." (ÎLKHA)