Weqfa Alîkarîya Însanî ya Karwana Hêvîyê li çar alîyê welat xebatên xwe yên alîkariyê didomîne. Karwana Hêvîyê ya Serêkanîyê her meh gihandina alîkariyên mirovî ji bo êtîm û malbatên mihtac didomîne.
Temsîlkarê Serêkanîyê yê Weqfa Alîkarîya Însanî ya Karwana Hêvîyê Adnan Sağlam der barê xebatên alîkariyê de daxuyanî da û got, "Em her meh xebatên xwe yên alîkariyê yên ji bo êtîm û malbatên mihtac didomînin. Di meha Mijdarê de bi alîkariyên xêrxwazên me ji gelek malbatan re paketên pere û erzaq gihandin û em ê vêya bidomînin."
Saglam diyar kir ku ew hewl didin ji malbatên hewcedar re bibin "Hêvî" û ji xêrxwazan re bibin "Rêber" û di navbera destê dayîn û standinê de bibin pirek.
Sağlam spasîya xêrxwazan kir û diyar kir ku ew ê piştgiriya xwe ya ji bo dewamkirina alîkarîyê bidomînin. (ÎLKHA)