Hat ragihandin li Rêyahawirdorê ya Başûr a Êlihê çend wesayît li pezê ku derket ser rê qelibîn, di encama bûyera ku pêk hat de 42 heywan telef bûn û 6 kes jî birîndar bûn. Piştî bûyerê mînîbûseke ku li pez qelibî hat şewitandin.
Qeza doh êvarî li Rêyahawirdorê ya Başûr li mewqîya TOKÎyê Kuyubaşiyê pêk hat. Li gor agahîyên ku hatine wergirtin pezê ku şivanê wê Emîn Badem bû dema ku vedigerîya malê li ser rê mînîbûsa bi palqeya 72 S 0306 a ku ajokarê wê Can Okkeş bû û du wesayît li pez qelibîn. Di encama bûyera ku pêk hat de 42 heywan telef bûn û 6 kes jî birîndar bûn.
Piştî ku bi qezayê hat hisîn re gelek ambûlans û yekîneyên polêsan hatin sewkkirin cihê bûyerê.
Li cihê bûyerê di navbera naskirîyên Bademê şivan û xwedîyê mînîbûsê de rageşî çêbû. Ji ber rageşîya ku pêk hat polêsan di hewayê de gule berdan û hewil dan terefan ji hev vekin.
Mînîbûsa ku dabû ser pez ji teref kesên ku nasnameyên wan nediyar in ve hat şewitandin. Şewat ji teref îtfaîya ku hat cihê bûyerê ve hat tefandin.
Derbarê qezayê de lêpirsîn hat destpêkirin.(ÎLKHA)