Beriya çalakiya Mewlûda Nebî ya bi temaya 'Rêberê Yekîtî û Rizgariyê Hezretî Mihemed' ku dê li Diyarbekirê ji aliyê Vakfa Evîndarên Pêxember ve were lidarxistin; wesayîtên anonsê ji bo vexwendina welatiyan li her çar aliyê bajêr dest bi gerê kirin.
Dildarên vakfê ji bo balê bikşînin ser bernameya ku dê roja Yekşemê saet di 13.30an de li Qada Mîtîngê ya Parka Newrozê ya li navçeya Rezilê (Rezan) pêk were; li navçeyên navendî Peyas, Rezan, Bajarê Nû û Sûrê li kolan û kûçeyan digerin.
Wesayîtên anonsê ne tenê li navenda bajêr, li taxên gundewar û navçeyên derdorê jî xebatên vexwendinê didomînin.
Di anonsên ku ji wesayîtan têne kirin de îlahiyên taybet ên Mewlûda Nebî cih digirin û bi zimanên Tirkî û Kurdî (Kurmancî û Zazakî) bang li welatiyan tê kirin.