Dar di civîneke çapemeniyê de li Îslamabadê got, "Plana ku hatiye ragihandin ne ew nivîsa ku me dîtiye ye. Pêşniyar û daxwazên me yên ji bo guhertinan di vê belgeyê de cih nagirin."
Wezîr Dar tekez kir ku helwesta Pakistanê zelal e û diyar kir ku plana aştiyê pêkanîna agirbestê, gihandina bê asteng a alîkariyên mirovî û bidawîanîna koçberiya bi darê zorê wekî şertên bingehîn dihewîne.
Dar her wiha bi bîr xist ku Pakistanê bi welatên din ên Îslamî re daxuyaniyek hevbeş weşandiye û gotiye, "Em piştgiriyê didin her înîsiyatîfê ku dê şer rawestîne. Lêbelê, nivîsa heyî ne temam e û di forma xwe ya heyî de nayê qebûlkirin."
Dar destnîşan kir ku Pakistan dê pêşniyar û daxwazên xwe yên ji bo guhertinan di çarçoveya dema diyarkirî de ji Emrîkayê re ragihîne û tekez kir ku welatê wî dê pêvajoyê ji nêz ve bişopîne. (ÎLKHA)