Wezîrê Karên Hindir Elî Yerlîkaya û Wezîrê Çavkanîyên Tebîî û Enerjîyê Alparslan Bayraktar derheqê hezaza ku li Erzîncanê pêk hat de daxuyanîyan da.
Bayraktar diyar kir ku di sehaya madenê ya ku hezaz pêk hatibû de rîsk zêde bûye, ji ber vê yekê ji xebatên lêgerîn û xelaskirinê re ji bo demeke kin navber hatîye dayîn.
Bayraktar weha got, “Rîska ku me çend roj berî îfade kiribû niha zêde bûye. Di cîhên ku ax neherikîye de tevgerekî ciddî heye. Ji ber van rîskan ji fealîyetên lêgerîn û xelaskirinê re navber hatîye dayîn.
Em xebatên xwe yên li alîyê bendavê didomînin. Ji bo rîska hezazê gelek xoceyên me yên akademî li vê derê ne. Niha jî gelo em ê van rîskan çawa ji holê rabikin dixebitin. Dema ku rîska hezazê ji holê rebibe em ê cardin dest bi xebatê bikin.
Tehqîqat didomin. Tehqîqatên hem edlî hem jî îdarî berdewam dikin.”
Wezîrê Karên Hindir Elî Yerlîkaya jî weha got, “Em wek Wezareta Karên Hindir bi AFADê ji bo 9 canên xwe ji roja ewil ve dixebitin. Di warê qeweta însanan de ti kêmasîyekî me tineye. Xebatên me ji xwe melûm e. Di hemû xebatên me yên lêgerînan de pêşîvanekî me heye. Ewlehîya AFAD û hemû însanên ku dixebitin e. Ji ber ku me dît wê giranîya li wê derê ne stabîl e xebatên xwe da sekinandin.” (ÎLKHA)