Ji teref Civaka Xwendekarên Rêber ve li Zanîngeha Firata Xarpêtê bo xwendekarên qîz semînereke bi navê “Nirxa ku Tesettur bi Pîrekan Dide Qezenckirin” hat tertîpkirin.
Aynur Suluna Koordînatora Giştî ya Platforma Seferberîya Tesetturê û nivîskarê Kovara Nîsanûrê yewek axavtvan beşdarî bernamê bû.
“Armanca wan ew bû ku pîrekan ji nirxên wan dûr bikin”
Sulun di axavtina xwe ya ku di bernamê kir de destnîşan kir ew heqên ku qaşo Xerb dide pîrekan bes dagirkirin û biçûkxistinê ye û hewil tê dayîn pîrek li gor berjewendîyên xwe bi kar bînin.Sulun dû re wiha li axavtina xwe zêde kir: “Ew heqên ku qaşo Xerb dide pîrekan bes dagirkirin û biçûkxistine. Dema ku pîrekan dagir kirin tabîeta wê xera kirin. Armanca wan ew bû ku pîrekan ji nirxên wan dûr bikin bû û bo vê yekê xebatên cûrbecûr dikin. Bes armanceke wan heye ew jî wek amûra ticaretê bikaranîna pîrekan e. Xerb hewild dide bi rêya medya, perwerdehî bêexlaqîyên xwe telkînî me bike.”
“Xerb ji dayikan dayiktîya wan dizî”
Sulun di dawîya axavtina xwe de diyar kir di civakên Îslamî de hewil tê dayîn pîrek ji fitratên xwe bên dûrxistin û dû re wiha dawî li axavtina xwe anî: “ Di civakên Îslamî de dagirkirina pîrekan çi wextî dest pê kir? Ev dagirkirin bi dagirkirina civakên Îslamê dest pê kir. Di civakên Îslamî de hewil tê dayîn pîrek ji fitratên xwe bên dûrxistin Xerb ji dayikan dayiktîya wan dizî û wan xist amûrek. Îro tu pîrek wek pîrekên Xerbî nayên dagirkirin û eciqandin.”(ÎLKHA)