Li navçeya Elkê (Beytüşşebap), xortê 27 salî yê ku dema masiyan digirt ket Çemê Xabûrê û li ber avê çû, winda bû.
Li gorî agahiyên hatine bidestxistin, E.S. (27) ê ku tevî hevalên xwe ji bo pîknîkê çûbû herêma Komato ya gundê Kevirê Spî (Taşarası), dema li Çemê Xabûrê masiyan digirt û tora serpê diavêt avê, hevsengiya (balansa) xwe winda kir û li ber avê çû.
Hevalên wî yên ku bi rewşê hesiyan, agahî dan Navenda Banga Lezgîn a 112an û li ser vê yekê tîmên cendirme, tenduristiyê û tîmên lêgerîn û rizgarkirinê yên peywendîdar sewqî herêmê hatin kirin.
Di lêgerînên ku ji aliyê AFAD û tîmên daxwêr (dalgıç) ên îtfaîyeya Cizîrê ve di nava rojê de li Çemê Xabûrê yê ku herikîna (debî) wî bilind e hatin kirin de tu encam nehat girtin; hate hînkirin ku dê sibê serê sibehê lêgerîn berdewam bike.