Bi piştgiriya xêrxwazan, goştê qurbanê ji aliyê xwebexşên ciwan Yasin Börü ve ji sedan sêwî û malbatên feqîr ên li bajêr re hat şandin.
Berpirsê Karwana Hêviyê ya Şanliurfayê Adem Sarıkuş derbarê alîkariyên hatine dayîn de spasiya her kesê ku beşdarî kiriye, bi taybetî xêrxwazan, ku beşdarî gihandina goştê qurbanê bo bi sedan malbatan bûne, kir û got, "Wekî Karwana Hêviyê ya Rihayê, em Cejna Qurbanê ya hemû Umeta Îslamê pîroz dikin. Em hêvî dikin ku ev Cejna Qurbanê ji bo hemû welatên Îslamî yên di bin zilmê de, bi taybetî jî ji bo Xezeyê, bibe wesîleya rizgarî û azadiyê. Di rêxistina qurbanê ya 2025an de, em berdewam dikin ku goştê qurbanê yê xêrxwazên ku ji bo komeleya me bexş kirine, radestî sêwî û malbatên hewcedar ên li navenda bajarê Rihayê û hemû navçeyên me bikin. Goştê ku em radest dikin ne tenê dê li ser sifreyên wan xwarinek germ be, lê di heman demê de dê bi îzna Xwedê ken bîne ser rûyê sêwîyan û kêfxweşiyê bîne nav malbatan. Ji ber vê yekê, em ne tenê goştê qurbanê ji wan re hildigirin, lê di heman demê de kêfxweşî û bextewariyê jî hildigirin. Bi vê boneyê, em dixwazin spasiya xêrxwazên ku ji bo komeleya me bexş kirine bikin û we hemûyan dispêrin Xwedê."