Nexweşxaneya Dewletê ya Çêrmûgê ya ser bi Midûriyeta Tendurustiyê ya Parêzgeha Amedê, di encama nirxandinên Bernameya Nexweşxaneyên Dostê Dayikan de ku ji aliyê Midûriyeta Giştî ya Tendurustiya Giştî ya Wezareta Tendurustiyê ve tê meşandin, mafê girtina unvana 'Nexweşxaneya Dostê Dayikan' bi dest xist. Nexweşxaneya Dewletê ya Çêrmûgê bi vê serkeftinê, di sala 2026an de li seranserê Tirkiyeyê bû yekemîn saziya tendurustiyê ku vê unvanê digire.
Di kontrol û nirxandinên ku di çarçoveya bernameyê de hatin kirin de; gihîştina dayikên ducanî bo xizmetên tendurustiyê yên ewle û li ser bingeha nepeniyê (mahremiyet), piştgiriya jidayikbûna normal, sepanên ku tendurustiya dayik û zarokan dixe pêşiyê û pîvazên ewlehiya nexweşan bi berfirehî hatin destgirtin. Di encama lêkolînan de hat tespîtkirin ku Nexweşxaneya Dewletê ya Çêrmûgê hemû standart bi serkeftî bi cih anîne.
Rêveberiya nexweşxaneyê jî destnîşan kir ku ev unvan encama xebateke bi kom (ekîb) e û diyar kirin ku xizmetên ji bo tendurustiya dayik û zarokan dê bi heman hîsiyarî û baldarî berdewam bikin.
Tê payîn ku ev geşedan, baweriya dayikên ducanî yên li Çêrmûgê û navçeyên derdorê ya li hemberî xizmetên tendurustiyê zêdetir bike.