Bi sedema çalakiyên leşkerî yên Misrê li nîvgirava Sînayê, di navbera Qahîre û rejîma sîyonîst de nakokiyên dîplomatîk hene.
Rejîma sîyonîst ji zêdebûna leşkeran û bicihkirina alavên giran li navçê dilgiran e. Li aliyê din Misir vê rewşê weke destwerdaneke eşkere ya li ser serweriya xwe dinirxîne.
Di demekê de ku rejîma sîyonîst projeyên binesaziya leşkerî û tevgera leşkerî ya Misrê li Sînayê "ne pêwîst û nîgeran" dibîne, Qahîre bi tundî van rexneyan red dike.
Hikûmeta Misirê tekezî li ser wê yekê dike ku ev pêngav ji ber têkçûna rewşa ewlehiyê li Xezayê pêwîst in û hewleke rewa ye ji bo parastina ewlehiya netewî ya Misrê. Di teblîxên fermî yên ku ji Emrîkayê re hatin şandin de, hat diyarkirin ku dê kelehên leşkerî yên li Bakur û Navenda Sînayê bên zêdekirin. Hat diyarkirin ku hinek proje hatine destpêkirin û hinek jî di asta plansaziyê de ne.
Çavkaniyên Karên Derve yên Misirê diyar kirin ku aloziya heyî dê sînorên dîplomatîk derbas neke û peymana aştiyê niha ne di talûkeyê de ye. Ligel vê yekê Qahîre dilgiran e ku Filistînî ji ber birçîbûn û rêgirtina li ber alîkariyên ku ji hêla rêjîma sîyonîst li Xezzeyê ve têne sepandin, neçar dibin ku sînoran derbas bikin.
Ger ev senaryo pêk were, ji bo ku Misir çawa bersivê bide, amadekariyên berfireh têne kirin. (ÎLKHA)