Wezareta Tenduristiyê ya Xezzeyê di daxuyaniya xwe ya dawî de ragihand ku ji 7ê Cotmeha 2023an vir ve di êrîşên dagirkeriyê de 16 hezar û 503 zarok şehîd bûne.
Agahiyên ku ji teref wezaretê ve hatine parvekirin, belavbûna emrên zarokên şehîd jî dihewîne. Li gorî vê, di êrîşên îşxalê de 916 pitik (0-1 salî), 4 hezar û 365 zarokên di navbera 1-5 salî de, 6 hezar û 101 zarokên di navbera 6-12 salî de, û 5 hezar û 124 zarokên di navbera 13-17 salî de canê xwe ji dest dan.
Wezareta Tenduristiyê ya Xezzeyê tekez kir ku ev hejmar ne tenê hejmar in, lê felaketeke mezin a mirovî û sûcên şer ên li dijî sivîlan hatine kirin temsîl dikin.
Di daxuyaniyê de hat gotin, "Ev hejmarên tirsnak asta karesata mirovî û kûrahiya sûcê ku li ser nifşekî hatiye kirin nîşan didin ku divê mafê parastin, lênêrîn û perwerdeyê jî hebe. Gerek ev nifş bi roket û topên tankan nehatiba hedefgirtin."
Wezaretê bang li civaka navneteweyî, rêxistinên mafên mirovan û rêxistinên mirovî kir ku berpirsiyariyên xwe yên yasayî û exlaqî bi cih bînin, tedbîrên lezgîn bigirin da ku êrîşkariyê rawestînin û serokên îşxalker ji ber tawanên wan ên li dijî zarok û sîvîlên bêparastin hesab bipirsin. (ÎLKHA)