Zêdetirî 850 kamyonên ku karê bazirganî û veguhestina navneteweyî dikin, nahêlin ji sînorê Îranê derbasî Tirkiyê bibin.
Ajokarên kamyonan ên ku xwe gihandin muxabîrê ÎLKHAyê diyar kirin ku ew ji teref Îranê ve 5 roj in li Deriyê Sînor ê Gurbulakê di bin serma, birçî û tî de mane.
30 şofêrên ku ji Wanê diçûn Îranê, bal kişandin ser zehmetiyên ku hatine jiyîn û ji rayedaran alîkarî xwestin û gotin, “Pasaport û destûra derketina me desteser kirin. Li Îranê nêzî 850 wesayît asê mane. Wesayîtên Îranê derbas dibin, lê nahêlin wesayîtên Tirkîyeyê derbas bibin. Li vir em di hewaya sar de, birçî û tî di wesayîtan de radizên. Ji bo Xwedê, dengê me bibihîzin." (ÎLKHA)