Çolig de Yew Het Zımıstan yew Het Wahar o
Mıntıqanê berzanê Çoligi de mucadeleyê vewre dewam keno u şertê zımıstani estê, labelê cayanê nızman de wahari rıyê xo nımarıt.
Emsar sûke de demê peyênan de vewra tewr gırane vora. Wextê wahari de zî varış dewam keno, coke ra menga adare u nîsane de xebatê mucadeleyê vewre dewam kenê.
Zımeyê rocvetışê Çoligi de, qezaya Kanîreşî de Koyê Şerafettini de (2 hezar u 200 rakm) yew mezra de vewra ke nêzdîyê 5 metreyan o, bi kepçe u makinanê karî rayîrî ameyê rakerdene.
Zımıstan de dıma dıma ameyî rakerdene, labelê semedê vewra gırane u fırtınay ra reyna ameyî pıradayene; nê rayan de ekîbî seba ke ulayış (resayış) bıbo gureyenê.
Verozê Sûke de Wahar o
Yew hetê Çoligi zımıstani bın de yo, hetê bînî de zî hewayê wahari hakim o.
Verozê (cenubê) sûke de, dewa Gözelerî, Deşta Çoligi u Deşta Sancaqî de wahar yeno cuyene. Nê mıntıqan de hewayî ke germ bîyî, dinya bîye kesk (kewe), daran çıçek akerd u menderesî bîyî ganî.