Merkezê Batmanî, Mehelaya Pınarbaşı de wextê êre de yew hêrişo çekdar bi.

Goreyê melumatanê ameyeyan, yew şexso ke henî nasnameyê ey nêzanyêno, marda 45 sereyî û dı lajanê aye yê 27 û 18 sereyî ke rayîr ra şiyêne, înan ser o gule vıradayî.

Guleyî xortê 27 sereyî rê amê û ey naca de dinyaya xo vırna (merd), marda ey zî zof gıran dırın biye.

Xeberdayîş ser o herım rê zof polîsî û ekîbê weşîye (ambulansî) amê sewqkerdene.

Marda ke zof gıran dırın biye, mudaxaleyê verên ê ekîbanê weşîye ra dıme ameye berdene nêweşxane û uca de gêriye bınê tedawî.

Cenazeyê xortê ke dinyaya xo vırna zî, seba otopsî ameye berdene morga nêweşxaneyi.

Polîsan dıma nê qewmîyayîşî xebatêka hîraye dêsandere û şubhelo ke remabi, wextêko kılm de tepışt û gırot bınê çewtî (nezaret).

Seba çıçî nê hêrişî kerdo henî zelal nîyo, la qewmîyayîşî ser o tehqîqat dewam keno.