Cenazeyê karkerên ku di karesata viyadukê ya li Pasûrê jiyana xwe ji dest dan, hatin veşartin
Cenazeyên 3 karkerên ku di encama hilweşîna îskeleya li ser viyaduka ku li navçeya Qulpê ya Dîyarbekirê dihat çêkirin de jiyana xwe ji dest dan, hatin veşartin.
Yek ji karkerên ku di qezayê de bi giranî birîndar bûbû, tevî hemû hewldanan li Nexweşxaneya Fakulteya Tipê ya Zanîngeha Dîcleyê ku lê dihat dermankirin mir.
Cenazeyên karkerên mirî Şeyhmus Anuştekin (45), Tahsin Dere (45), Salih Lale (52), û Mehmet Şîrîn Yalçıner (50) piştî otopsiyê radestî malbatên wan hatin kirin.
Piştî nimêja cenazeyan, cenazeyên Tahsin Dere, Salih Lale û Mehmet Şîrîn Yalçıner li Goristana Yenîkoyê ya navçeya Bağlarê hatin veşartin. Cenazeyê Şeyhmus Anuştekin dê li Goristana Şehitlikê ya navçeya Yenîşehîrê were veşartin.
Di lêpirsîna ku ji aliyê Serdozgeriya Komarê ve li ser qezayê hatiye destpêkirin de, endezyarê înşaetê K.K. û berpirsên şîrketa taşeron F.A. û M.A. hatin binçavkirin. Ji bo girtina gumanbarekî din ku fermana girtinê ji bo wî hatiye dayîn, xebat berdewam dikin.
Türkçe karakter kullanılmayan ve büyük harflerle yazılmış yorumlar onaylanmamaktadır.