Çewlig de qezayê trafîkî de 4 kesî birîndar bî. Qeza, rayê Çewlig-Diyarbekirî de, Meydanê Bertî de ameye meydan. Goreyê melumatan, otomobîlo ke binê îdareyê H.Ç. de bi u plakaya ci 12 ACM 017 bi, pîkabê binê îdareyê Y.G. de ke plakaya ci 34 NKK 566 bi, pîra da.

Qeza de 4 kesî birîndar bî. Hemwelatiyê ke qeza dîtî, xeber da polîsan u selahiyetdarê weşîye. Ekîbê weşîye mudaxaleyo verên kerd u dıma bi ambulansan birîndarî berdî Nêweşxaneyê Dewletî yê Çewligî.

Semedê qezayî ra rayê de hîna kêm trafîk vindert, la wexto ke erebeyî rakirî, trafîk reyna normal bi.

Polîsan semedê qezayî tehqîqat da destpêkerdene.