Bûyer, li gundê Hêgecugê yê ser bi navçeya navendî ya Rezan (Bağlar) qewimî. Li gorî agahiyên hatine bidestxistin, di saetên nîvro de cisimekî ku hê nayê zanîn çi ye, nêzî mala Mehmet Şah Atli kete erdê.

Li ser agahdarkirinê; tîmên cendirme, tenduristî, AFAD û pispor sewqî cihê bûyerê hatin kirin. Li herêma ku tedbîrên ewlehiyê yên berfireh hatin girtin, tîmên cendirmeyan rê nedan ku kes bikeve qada navborî.

Hê nehatiye zanîn ka ew cisim çi ye, lê lêkolînên tîman berdewam dikin. Tê texmînkirin ku ew cisim parçeyekî mûhîmatê ye.

Yek ji şahidên bûyerê, gundiyê bi navê Mihemed Atman, diyar kir ku dema wî pezê xwe diçerand, ditiye ku cisimek ji jor de diheliye û dikeve erdê; lê ew nêzî cisim nebûye û piştre agahî dane tîman.