Li Tirkiyeyê di gaza xwezayî de sepana tarîfeya kademeyî dest pê kir. Li gorî rêziknameya nû ya ku ji aliyê BOTAŞ’ê ve hat eşkere kirin, piştgiriya dewletê dê heta sînorê xerckirinê yê ku ji bo her bajarekî hatiye diyarkirin berdewam bike; di rewşa derbaskirina vê sînorî de rêjeya piştgiriyê dê kêm bibe.

Ji bo aboneyên malan bihayê kademeya yekem wekî 10,625 TL/Sm³, bihayê kademeya duyem wekî 18 TL/Sm³ hat diyarkirin. Ji bo malbatên şehîdan û xaziyan dê tarîfeya taybet were sepandin.

Wezareta Enerjî û Çavkaniyên Xwezayî eşkere kir ku armanca rêziknameyê parastina malbatên kêmderamet û xwedî dahata navîn, teşvîqkirina berhemdariya enerjiyê û bikaranîna dadperwer a çavkaniyan e.

Hat ragihandin ku dê beşeke nêzîkî ji sedî 12’an rasterast ji pergala nû bandor bibe, aboneyên kêm-xerckirin (tüketim) jî dê ji piştgiriyên heyî hîn bêtir sûd werbigirin.