Di operasyona bêrêtî ya pêla 2yemîn a li dijî ÎBByê de 18 kes hatin girtin.

Şikdarên ku ji Seraya Edaleta Stenbolê ya li Çaglayanê re hatibûn sewqkirin, ji teref hakimtîya cezaya silh a nobedar ve hatin pirsyarkirin. Dadgeh derheqê 18 kesan da biryara girtinê da, ji bo 12 kesan jî biryara tedbîrên kontrolên curbecur wek “qedexeya derketina derve” û “mesulîyeta avêtina îmzeyê” da.

Di tehqîqata ku ji teref Serdozgerîya Komarîya Stenbolê ve hatibû destpêkirin de, şikdarên ku di nav wan de Serokê ÎBByê Ekrem Îmamoglu jî heye bi sûcên wek, “îdarekirina rêxistina sûcê”, “endambûna ji rêxistinê re”, “îrtîqap”, “rişwet” û “nehiqûqîya îhaleyê” tên sûcdarkirin.

Operasyon, ji teref Midûrtîya Şûbeya Micadeleya bi Sûcên Malî ve li Stenbol, Enqere û Tekîrdaxê di 26ê Nîsanê de bi hevdemî hatibû lidarxistin û derheqê 53 kesan de biryara binçavkirinê hatibû dayîn.

Tê texmînkirin ku ew ê tehqîqat di rojên pêş de bê berfirehkirin û berdewamkirin. (ÎLKHA)