Pasurê Diyarbekirî de, mabeynê di keyeyanê merdiman de seba meseleyê kêna remnayışî pêroşiyayen vıjiya û 4 kesî dironî bîyî. Wextê pêroşiyayenî de muxtarê mahalle Ramazan Azbay zî dironî bi. Cayê hedise rê ekîbê weşî û ewlekarîyî ameyî ramiştene.

Hedise, wextê êre de mahalleya Turgut Özalî ya Pasurî de qewmîya. Vatışan ra gore, mabeynê di keyeyanê merdiman de seba meseleyê kêna remnayışî yew munaqaşa dest pêkerd û mude de bîye yew pêroşiyayen. Na pêroşiyayen de ke kemer, deynek û kirdî zî ameyî şokerdene, A.O., F.O., İ.O. û N.D. dironî bîyî.

Muxtarê mahalle Ramazan Azbay zî, wexto ke waştêne kavgaya înan gıra bido, bi derbanê kemer û deynekan dironî bi. Bi xeberdayışî, cayê hedise rê ekîbê weşîyî, polîs û jandarma ameyî ramiştene. Dironî, badê mudaxaleyê verênî, bi ambulansan ameyî berdene nêweşxaneyê dewletî yê Pasurî (Dr. Abdullah Biroğul) û ameyî tedawîkerdene. Mahalle û nêweşxane de tedbirê ewlekarîyî ameyî gırewtene û derheqê hedise de cigêrayış dest pêkerd.