Êrîşê çekdarî yo ke mektebê Kahramanmaraşî de bi, nameyê malim û şagirdanê ke tede merdê, dîyari bîyî.

Qezayê Onikişubati, Mehlaya Haydarbeyî de Mektebê Miyandeyî yê Ayser Çaliki de êrîşê de çekdarî bi. Nê êrîşî de 1 malime û 8 şagirdan dinyaya xo vurnaya, 17 şagirdî zî derman bîyî (birîndar bîyî). Olay de êrîşkar zî merd. Nameyê merde û dermanbîyeyan eşkere bîyî.

Şagirdanê xo rê bîye sîper

Malima matematîkî Ayla Kara ke wextê êrîşî de xo kerd sîperê şagirdanê xo, pîya bi şagirdan Furkan Bala, Bayram Nabi Şişik, Belinay Poryaz, Zeynep Kılıç, Şuranur Sevgi Kazıcı, Kerem Erdem Gürgör, Adnan Göktürk Yeşil dinyaya xo vurnaya. Êrîşkar İsa Aras Mersinli zî olay de merd.

Nê êrîşî de Z.Ç, S.B, Y.T.G, O.T.B, Z.S.T, A.A, A.G. giran derman bîyî; M.B.E, İ.E.K, G.G, F.İ.Ç, C.E.K, Z.D.A.K, S.Ş.Ç., M.A û M.B zî derman bîyî. M.N.T. yo ke derman bibi, tedawîyê ey qediya û nêweşxane ra daxil bi.

Tedawîyê dermanbîyeyan nêweşxaneye cîya-cîyayan de dewam keno.