Hazro de cinika ke dûre koliye gırewte, nêweşhane de wefat kerd
Qezayê Diyarbekiri Hazro de, cinika ke keyê xo de qazana awe ra dûre koliye (ceryan) gırewte, heyatê xo kerd vind.
Na hadise, dewa Hazroyi Ayndar (Kavaklıboğaz) de ameye meydan. Goreyê îdiayan, cinike banyoyê keyê xo de qazana awe ra dûre koliye (ceryan) gırewte.
Cinike, mudaxaleyê verênî ra dıme ameye berdene Nêweşhaneyê Dewletî yê Hazroyî. Labelê heme xebatan ra dıme zî heyatê xo kerd vind.
Ami musayene ke cinika ke merde, seba raporê otopsî ameye sewk kerdene Diyarbekir. Derheqê na hadise de persurî (tehqîqat) dewam keno.
Türkçe karakter kullanılmayan ve büyük harflerle yazılmış yorumlar onaylanmamaktadır.