Walîtiyê ragihand ku li gorî agahiyên destpêkê, di qezaya ku li Hiccetî pêk hat de çar kesan canê xwe ji dest dan û 13 kes jî birîndar bûn.

Di daxuyaniyê de hat destnîşankirin ku yek ji du kesên bi giranî birîndar li nexweşxaneyê tevî hemû hewldanan mir, lê kesê din ê bi giranî birîndar hêna jî tê dermankirin.

Hate diyarkirin ku piştî agahdarkirina qezayê, ekîbên tenduristiyê, îtfaîyeyê, polês, AFAD û cendermeyan sewqî cihê bûyerê hatin kirin.

Hat ragihandin ku piştî wergirtina alîkariya ewil, mirovên birîndar bi ambulansan bo nexweşxaneyên derdorê hatine veguhastin û dermankirina wan berdewam dike.

Di daxuyaniya walîtiyê de, ji bo welatiyên canê xwe ji dest dane Xwedê rehma xwe lê bike, ji bo malbatên wan sersaxî xwest û ji bo birîndaran jî şîfaya bilez xwest.

Hat ragihandin ku lêpirsîna li ser qezayê berdewam dike. (ÎLKHA)