Wekîlê Serokê Giştî yê HUDA PARê û Parlamenterê Entabê Şahzade Demîr û Parlamenterê Mersînê Faruk Dînç, bi hev re Wezîrê Çandinî û Daristanan Îbrahîm Yumakli li meqamê wî ziyaret kirin. Di civînê de, pirsgirêkên têkildarî çandinî û heywandariyê, bi taybetî jî li Herêma Başûrê Rojhilatê Anadoluyê, hatin nîqaşkirin.

Şahzade Demîr derbarê serdanê de li ser hesabê xwe yê medyaya civakî daxuyaniyek da û got, "Me serdana Wezîrê Çandinî û Daristanan ê me Birêz Îbrahîm Yumakli kir. Me pirsgirêkên welat û daxwazên welatîyên xwe ji wî re ragihand."

Demîr diyar kir ku di civînê de li ser van mijaran nîqaş kirine:

"Hişkesaliya ku li hinek bajarên Başûrê Rojhilat tê jiyîn, bihayên genim û polîtîkayên piştgiriyê, pêkanîna yekgirtî ya Bendava Cizîrê û projeyên avdanê, birîna daran a plankirî li Şirnex û derdora wê, bêparkirina cotkaran ji piştgiriyê li deverên ku entegrasyona erdê nayê kirin, û teşwîqkirina hilberîneran li deverên ku ji ber sedemên ewlehiyê hatine girtin û paşê ji bo xwedîkirina heywanan hatine vekirin."

Demir di dawiya zîyaretê de ji bo eleqe û mêvanperweriya Wezîr Yumakli spasiya wî kir. (ÎLKHA)