Îranê bi fermî bang li welatiyan kir ku sepana peyamnêriyê ya populer WhatsApp ji telefonên xwe rakin.

Di daxuyaniyekê de ku li ser televîzyona dewletê hat dayîn, ji welatiyan hat xwestin ku bi lez û bez bernameya peyamnêriyê ya populer WhatsAppê ji telefonên xwe bibin.

Di daxuyaniyê de hat gotin ku şûbheyên xurt hene ku ev sepan bi awayekî sîstematîk agahiyên bikarhêneran berhev dike û ji rejîma sîyonîst re dişîne.

Rayedaran tekez kirin ku ev bang ne pêşniyareke ewlehiyê ya asayî ye, lê mijareke krîtîk e ku têkildarî ewlehiya neteweyî ye.

Çavkaniyên nêzîkî Rêxistina Parastina Sîber a Îranê dibêjin ku WhatsApp gelek daneyên hessas ên wekî agahdariya cîh, pirbûna ragihandinê, celebê cîhazê, navnîşanên IP-yê, û ne tenê naveroka peyamê berhev dike û ev dane ji serverên derveyî welat re têne veguheztin. (ÎLKHA)