Ji aliyê Komeleya Karwana Umîdê ya Cizîrê ve, li avahiya komeleyê ji bo bajarên wekî Kobanî, Efrîn, Qamişlo û Helebê yên li Sûriyeyê xala qebûlkirina alîkariyê hat avakirin. Malzemeyên alîkariya mirovî yên ku xelkê Cizîrê anîbûn, ji bo ku bigihîjin hewcedarên li Rojava ketin rê.

Amûrên alîkariyê yên wekî xwarin, cil û berg û malzemeyên din ên cuda, li ber avahiya komeleyê li wesayîtê hatin barkirin û bi duayan ber bi Sûriyeyê ve hatin şandin.

Di çarçoveya xebata alîkariyê de hat diyarkirin ku malzemeyên hatine amadekirin, dê li herêmên ku di bin bandora şer de ne, li malbatên mexdûr û hewcedar werin belavkirin.

Serokê komeleyê Halîl Şik ê ku derbarê xebatê de daxuyanî da, spasiya xelkê Cizîrê kir û got: 'Ji bo ku em bigihînin hewcedarên ku ji ber şerê li Sûriyeyê mexdûr bûne, em niha koliya xwarin, hewcedariyên bingehîn û alîkariya mirovî ku gelê me emanetî me kiribûn, li wesayîta xwe bardikin. Înşallah wesayîta me dê di demeke herî kurt de bigihîje birayên me yên hewcedar ên li Rojavayê. Ez spasiya xelkê Cizîrê dikim ku di dabînkirina hewcedariyên lezgîn ên mirovî de piştgirî dan û emanetên xwe gihandin me; Xwedê ji we razî be, Xwedê xêra we qebûl bike.'