Komeleya Karwana Hêviyê ya Qoserê, berî meha bimbarek a Remezanê alîkariya xwarinê gihand malbatên sêwî û hewcedar û di vê meha xêrê de rûyê wan keniya.

Nûnerê Karwana Hêviyê ya Qoserê Şemseddîn Alkan, derbarê alîkariyên ku bi piştgiriya xêrxwazan hatine kirin de daxuyanî da. Alkan diyar kir ku bi saya piştgiriya ku ji wekfê re hatine kirin, wan berî Remezanê xwarin gihandine gelek malbatan û destnîşan kir ku ev alîkariyên wan wê berdewam bikin.

Alkan bal kişand ser girîngiya vê mehê û got ku ji bo gihîştina malbatên bêtir sêwî û hewcedar, ew li benda piştgiriya xêrxwazan in.