Karwanê Hêvîyê goştê qurbanê gihand bi hezaran malbatên li Cizîrê
Karwanê Hêviya Cîzrê ku her sal di Cejna Qurbanê de goştê qurbanê digihîne bi hezaran malbatên hewcedar, îsal jî bi çalakiyên xwe yên qurbanê serdana sifreyên zarokên bê dê û bav û malbatên hewcedar kir.
Karwana Hêvîyê, bi slogana "Qurbana Te Hêvî Be" dest pê kir û kesên hewcedar bi karê xwe kêfxweş kir, îsal di Cejna Qurbanê de heywanên qurbanê yên ku ji hêla xêrxwazan ve hatine bexşandin radestî bi hezaran malbatên hewcedar û sêwî kirin.
Karwana Hêvîyê, ku bi mehan e bi boneya Cejna Qurbanê ya pîroz dixebite, ji xêrxwazên ku heywanên qurbanê bexşandin, wekîltiyan wergirt û bi sedan dilxwazên xwe re serjêkirin û belavkirina heywanên qurbanê pêk anî.
Heywanên qurbanê, ku bi baldarî ji zozanên Faraşîn ên Çiyayê Kato hatine hilbijartin, li qesabxaneya girêdayî Şaredariya Cîzrê hatin serjêkirin û veguherandin pakêtên 2 kîloyî.
Goştê ku li qesabxaneyê hatibû bêhnvedan, radestî bi hezaran malbatên hewcedar û sêwî yên ku li navçeyê hatine tespîtkirin hat kirin.
Türkçe karakter kullanılmayan ve büyük harflerle yazılmış yorumlar onaylanmamaktadır.