Yek ji rayedarên komeleyê Abdurrahman Evîn, diyar kir ku belavkirina alîkarîyan a di vê dewra ku pirsgirêka aborî gelek zêdeye, zor zor biqîmet e.

Evîn weha got, “Li bajarê me gelek malbatên me hene ku pirsgirêka aborî dijîn. Em wek Karwana Hêvîyê dixwazin ku bi piştgirîya xêrxwazan ji malbatan re alîkarîyan bikin. Di vê çarçoveyê de me goştê sor belav kir.”

Evîn îfade kir ku Karwana Hêvîyê tenê zexîreyan belav nake, “Bi hatina demsala zivistanê ew ê alîkarîyên me yên cil û bergên zivistanê jî berdewam bikin. Em wisa armanc dikin ku ew ê bi piştgirîya xêrxwazan vê xebatên xwe zêdetir bikin.”

Abdurrahman Evîn, îfade kir ku hemû fealîyetên wan bi dildarî tê kirin, “Hêzê me yê herî mezin, dildarên me ne. Em bi xîreta wan kolan bi kolan, tax bi tax malbatên mihtac tespît dikin.” (ÎLKHA)