Karwanê Hêvîyê ku bi alîkariyên xwarinê, kincan û dravî (nakdî) her gav li cem hewcedaran e, di saetên fitarê de jî malbatên feqîr ji bîr nake û nanê xwe bi wan re parve dike. Şaxê Jinan ê Karwana Umîdê ya Diyarbekirê, ji rojên pêşîn ên Remezanê ve malbatên hewcedar li ser sifreyan dicivîne û li semtên ku serdana wan dikin, îkramên fitarê pêşkêş dikin.

Nûnera Şaxê Jinan a Karwana Umîdê ya Diyarbekirê, Büşra Yapıcı, derbarê bernameyên fitarê de daxuyanî da û diyar kir ku ew dixwazin bi piştgiriya xêrxwazan bigihîjin malbatên hîn zêdetir.

Büşra Yapıcı di daxuyaniya xwe de hêviyên xwe yên ji bo meha Remezanê anî ziman û wiha got:

"Em hêvî dikin ku ev meha Remezanê ya ku tê de manewiyat gihîştiye lûtkeyê (asta herî bilind), ji bo welatê me û cîhana Îslamê bibe wesîleya xêrê. Wekî Şaxê Jinan a Karwana Umîdê ya Diyarbekirê, em bi malbatên xwe yên mexdur re ku em alîkariyên madî û manewî didin wan, li ser heman sifreyê rûniştin û me fitara xwe bi hev re vekir. Me bi malbatên xwe re wext derbas kir, em bi wan re kaynaşî bûn û me hasbihal kir.

Me xwest ku em di navbera xêrxwazên xwe û malbatên mexdur de hinekî bibin pir (köprü). Bi îzna Xwedê, di vê meha Remezanê de bi piştgiriya xêrxwazên me, em ê bigihîjin malbatên hîn zêdetir."