Karwana Hêvîyê, ku bi berdewamî alîkarîyê digihîne sivîlên bêguneh ên ku di şeran de nînin, ji bo bindestên li gundên Kobanîyê bûye çirayek hêvîyê.

Pakêtên ku her tişt dihewîne, ji nan û pakêtên paqijiyê bigire heya formula pitikê û pêçikan, hatin amadekirin û li kesên bindest û dezavantajkirî hatin belavkirin.

Karbidestên weqfê gund bi gund geriyan û alîkarî belav kirin. Sîvîlên ji şer westiyan û di şert û mercên dijwar de ji bo jiyanê têdikoşin, spasiya xwe ji bo alîkariya ku wergirtine anîn ziman.

Cafer Okmen, Alîkarê Serokê Weqfa Karwana Hêvîyê, diyar kir ku wan dest bi belavkirina alîkariyê li gundên nêzîkî Kobaniyê kiriye.

Okmen tekez kir ku wan alîkarî gihandiye Efrîn, Kobanî, Hesekê, Qamîşlî û taxên Eşrefiye û Şêx Meqsûd ên Helebê jî, ku şer lê diqewimin, û got ku çirûska di çavên zarok û malbatên ku li herêmên şer, ku krîz lê kûrtir dibe, alîkarî werdigirin dilê wan germ kir.

Okmen got, "Em li gundên girêdayî Kobaniyê ne. Di warê alîkariya mirovî de zehmetiyên cîddî hene. Hem şer û hem jî demsala zivistanê mirov xistine rewşek dijwar. Em ji Helebê hatine vir. Bi îzna Xwedê, em îro li vir alîkariyê belav dikin. Em pêşîniyê didin gundên ku rewş herî krîtîk e. Bi vê misanesebetê, ez dixwazim dîsa spasiya bexşvanên xwe bikim."

Koordînatorê Duyemîn ê Karwana Hêvîyê Mehmet Faîk Dogan, diyar kir ku êşa ku sîvîlan dikişînin nayê wesifandin û bang li xêrxwaz, karsaz û tevahiya raya giştî kir ku bêtir û bi leztir alîkariyê bidin. (ÎLKHA)