Ji bo xwendekar û mamosteyê ku di êrîşa li ser dibistanê ya li Mereşê de canê xwe ji dest dan merasîmên cenaze hatin lidarxistin. Dema ku Tirkiye ji bo windakirina zarokên 11 salî û mamosteyekî şîn digirt, cenaze di nav hêstiran de hatin veşartin.

Ayla Kara, mamosteya matematîkê ya ku di êrîşê de canê xwe ji dest da, bi merasîmekê ku Wezîrê Perwerdehiya Neteweyî jî beşdar bû, li Goristana Taxa Tekîr hate veşartin. Hevjîn û zarokên Kara li ber tabûtê hêstir barandin.

Xwendekarên bi navê Belinay Nur Boyraz, Kerem Erdem Güngör, Zeynep Kılıç û Bayram Nabi Şişik ku di heman êrîşê de canê xwe ji dest dabûn, bi merasîmekê li Mizgefta Abdulhemîthan hatin veşartin. Piştî nimêja cenazeyê ya ku ji aliyê Serokê Karûbarên Dînî ve hat kirin, cenazeyên wan li Goristana Şêx Adil hatin veşartin.

Adnan Gokturk Yeşil ê 11 salî li navçeya Düziçi ya Osmaniyeyê, Şuranur Sevgi Kazıcı jî li Mereşê hat veşartin. Rayedarên dewletê jî beşdarî merasîma cenazeyan bûn û sersaxî ji malbatan re xwestin. Furkan Sancak Balal ê ku di heman êrîşê de jiyana xwe ji dest da jî hat veşartin. (ÎLKHA)