Li nêzî gundê Îrmiyê yê ser bi navenda Batmanê, di saetên sibehê de li hemberî wesayîtekê êrîşeke çekdarî hate kirin.

Li gorî agahiyên hatine wergirtin, wesayîta ku ji aliyê kes an jî kesên nasnameya wan hê nehatiye diyarkirin ve hat hedefgirtin, gelek gule lê ketin.

Li ser agahdarkirina welatiyên derdorê yên ku dengê çekan bihîstin, tîmên cendirme û tenduristiyê sewqî herêmê hatin kirin.

Li gorî tespîtên pêşîn, hat hînbûn ku di bûyerê de kesek birîndar bûye. Derbarê rewşa tenduristiya birîndar de daxuyaniyeke fermî nehat dayîn.

Hêzên ewlehiyê li cihê bûyerê lêkolîn dan destpêkirin û hat ragihandin ku ji bo girtina êrîşkar an jî êrîşkaran xebat hatine destpêkirin.

Lêpirsîna derbarê bûyerê de berdewam dike.