Li Bûrsayê xanî şewitî: 1 jê zarok 3 kesan canê xwe ji dest dan
Li navçeya Karacabeya Bûrsayê, di nav xanîyekî de şewat derket, 3 kesan canê xwe ji dest dan.
Şewat, di qata 3yemîn a avahîyeke 4 qatî ya li Taxa Saadetê de pêk hat.
Li gorî agahîyên ku hatine bidestxistin, sedema şewatê hêj nayê zanîn û şewata ku derket di demeke kurt de temamê daîreyê kir bin tesîra xwe.
Li ser xeberdayînê ji herêmê re ekîbên tenduristî, îtfaîye û polês hatin sewqkirin.
Şewata ku derket bi midexeleya ekîban hat vemirandin, lê di encamê de 1 jê zarok 3 kesan canê xwe ji dest dan.
Cenazeyê rehmetîyan, ji Sazîya Tip a Edlî re hatin sewqkirin.
Derheqê bûyerê de tehqîqat hat destpêkirin. (ÎLKHA)
Türkçe karakter kullanılmayan ve büyük harflerle yazılmış yorumlar onaylanmamaktadır.