Li navçeya me ya Çinarê, xebatên dîtina Nimet Kiliça ku diya 2 zarokan e û ji 21ê Rêbendanê ve winda ye, di roja 8an de berdewam dikin.

Ji bo xebatên lêgerînê yên ku li gundê Qubacixê û derdora wê tên meşandin; bi giştî 333 personelên ku di nav wan de AFAD, jandarma û Ekîbên Lêgerîn û Rizgarkirinê yên Zanîngeha Dîcle (DÜAK) hene, beşdar dibin.

Di xebatên ku di bin şert û mercên giran ên zivistanê de tên kirin de, ekîbên DÜAKê li qadên çolter û herêmên avî de xebatên şopgeriyê dimeşînin. Di lêgerînan de kûçikên kadavrayan, kamerayên termal û 17 dron tên bikaranîn.

Ji ber barîna baranê û berfê, xebat bi zehmetî tên meşandin; her wiha ekîbên Lêgerîn û Rizgarkirina Binê Avê (SAK) ya Jandarmayê, komando û helîkoptereke jandarmayê jî piştgiriyê didin xebatan.

Heta niha derbarê Nimet Kiliçê de tu şop nehatiye dîtin, lê xebatên lêgerînê bênavber berdewam dikin.