Li Diyarbekirê 105 kesên ku ji ber sûcên cuda dihatin lêgerîn hatin girtin
Li Diyarbekirê 105 kesên ku ji ber sûcên wekî kuştina bi qestî, firotin û dabînkirina narkotîkê û talankirinê (yağma) dihatin lêgerîn û cezayê wan ê girtîgehê hatibû qetandin, hatin binçavkirin.
Fermandariya Cendermeyan a Parêzgeha Diyarbekirê, ji bo girtina kesên lêgerînkirî operasyon da destpêkirin.
Di operasyonan de, 105 kesên ku di nav wan de ji ber sûcên wekî 'Kuştina bi qestî, firotin û dabînkirina narkotîkê, dizî, bi çek talankirina di dema şevê de, hilgirtin an jî xwedîkirina çek û fîşekên bêruhsat' dihatin lêgerîn, hatin binçavkirin.
Hat diyarkirin ku di nav gumanbaran de; 5 kesên ku di navbera 10-20 salan de cezayê wan heye, 17 kesên di navbera 5-10 salan de, 47 kesên di navbera 2-5 salan de û 36 kesên ku di binê 2 salan de cezayê wan hebû hene.
105 kesên ku hatin girtin, sewqî meqamên dadwerî hatin kirin.
Türkçe karakter kullanılmayan ve büyük harflerle yazılmış yorumlar onaylanmamaktadır.