Li navçeya Rezlerê ya Diyarbekirê, di şerê ku di navbera malbatên meriv (xizm) de derket de kesekî jiyana xwe ji dest da. Têkildarî bûyerê 2 kes hatin binçavkirin.

Li gorî agahiyên hatine bidestxistin, duh li Taxa Şêx Şamil a navçeya Rezlerê, di şerê ku ji ber dijminatiyekê di navbera merivan de derket de, Abdullah Bayoğlu (21) bi çekê hat gulebarankirin û bi giranî birîndar bû. Li ser agahdarkirinê, tîmên polîs û tendurustiyê sewqî cihê bûyerê hatin kirin. Bayoğlu yê ku bi giranî birîndar sewqî nexweşxaneyê hatibû kirin, tevî hemû midaxaleyan nehat rizgarkirin. Her du gumanbar, bi operasyona polîsan re tevî amûrên sûc (çekan) hatin girtin. Karûbarên gumanbaran ên li emniyetê berdewam dikin.