Bûyer di 20ê Îlonê de li zêrfiroşgehekê li Kolana Gazî qewimî.

Sê jin ketin hundirê kargehê, zêrên ji ser vîtrînê girtin û reviyan. Dizî ji aliyê kamerayên ewlehiyê yên kargehê ve hat qeydkirin.

Tîmên Daîreya Polîsan a Parêzgehê dîmenên kamerayan ên ji herêmê lêkolîn kirin û heşt şikdarên têkildarî bûyerê tespît kirin. Hat dîtin ku ew di du wesayîtên cuda de diçûn.

Mêrên ku di operasyonê de hatine girtin, çarşefên ku di dema bûyerê de bi kar anîbûn li xwe kiribûn. Yek ji şikdaran ji ber sûcekî din 17 sal cezayê girtîgehê lê hat birîn.

Di lêpirsînê de hat hînbûn ku heman şikdar bi bûyerek din a li Denizliyê ve jî têkildar in ku tê de bi qasî 350.000 lîre zêr hatine dizîn.

Piştî karûbarên li qereqola polîsan, ew heşt kes sewqî dadgehê hatin kirin. Ew ji aliyê dadgeha nobedar ve hatin girtin û şandin girtîgehê. Hin ji zêrên dizî vegeriyan xwediyê wan. (ÎLKHA)