Endamên weqfê û xwebexşan bi belavkirina gulên teze li ser Bûlwara Turgut Ozal, ku yek ji deverên herî qerebalix ên bajêr e, welatiyan dawetî çalakîyê kirin.

Amadekarî ji bo bernameya ku ji hêla Ofîsa Koordînasyona Êlihê ve tê organîzekirin, ku dê saet 13:30an de li Qada Mewlûdê li kêleka otogarê were lidarxistin, bi tevahî berdewam in. Mijara çalakiyê wekî "Rêberê me yê Wehdet û Xelasîyê Hezretî Muhammed " hatiye destnîşankirin.

Berî çalakiyê, keç û kurên ciwan, ligel dilxwazan, bi erbanê di nav bazar û kolanan de geriyan û gûl pêşkêşî dikandar û welatiyan kirin.

Belavkirina gulên sor li bajêr hem atmosfereke hestyarî û hem jî ruhî afirand.

Feyzî Aydin, Koordînatorê Êlihê yê Weqfa Evîndarên Pêxember, beriya belavkirina gulên sor axivî û hemû xelkê Êlihê dawetî çalakiyê kir û wiha got:

"Wekî Weqfa Evîndarên Pêxember, em vê Yekşemê li qada Mewlûdê ya li kêleka otogarê çalakiyek Mewlûda Nebî li dar dixin. Em hemû xelkê Êlihê yên ku ji Pêxember hez dikin dawetî vê bernameya watedar dikin. Bi armanca ku peyama Pêxember (silavên Xwedê lê bin) bigihînin hemû cîhanê, em ê îro li vir gulên teze bidin xelkê xwe da ku wan dawetî çalakiya me bikin."

Di dema belavkirina gul de, ku eleqeyek mezin ji welatiyan kişand, gelek kesan xwesteka xwe ya beşdarbûna çalakiya Mewlûda Nebî nîşan dan.

Tê texmînkirin ku ev çalakiya ku hezkirina ji bo Pêxember dê bi hestên wehdet û biratiyê re bicive, li Êlihê bi beşdariyeke berfireh pêk were. (ÎLKHA)