Ajansa Rêvebiriya Karesatên Neteweyî (BNPB) ragihand ku hejmara qurbaniyên ji ber lehiyê û hezazê li sê parêzgehên Girava Sumatra ya Endonezyayê gihîştiye 604 kesan, 464 kes jî winda ne.

Hewldanên rizgarkirinê li deverên tesîrdar bi hemû leza xwe berdewam dikin.

Ajansê ragihand ku ji ber lehiyê li parêzgehên Sumatraya Bakur, Sumatraya Rojava û Acehê nêzîkî 570.000 kes ji cih û warên xwe bûn. Zirara rêyan û qutbûna torên ragihandinê gihîştina hin deverên tesîrdar ne gengaz kir, û alîkariyên bi piranî bi rêya hewayî hatin şandin.

Serokkomarê Endonezyayê Prabowo Subianto got ku hewldanên rizgarkirin û alîkariyê yên hikûmetê bi lez û bez pêşve diçin.

Subianto tekez kir ku divê Endonezya bi bandor bersiva guherîna avhewayê bide û divê hikûmetên herêmî di parastina jîngehê û amadekariya bûyerên hewayê yên dijwar ên pêşerojê de roleke mezintir bilîzin. (ÎLKHA)