Baranên giran ên ku li navçeya Farqînê (Silvan) berdewam dikin, bandoreke nerênî li binesaziyê (altyapı) kirin. Li Taxa Çardakê, li ser rêya TOKÎyên nû, di beşeke rê û peyarêyan de hilweşîn û herifîn pêk hat. Hat dîtin ku ji ber barana zêde binê asfaltê vala bûye û di peyarêyan de qulên kûr çêbûne.

Li gorî agahiyên hatine wergirtin, piştî baranê ji ber nermbûna zemînê, di beşeke rê de qul (çelpek) çêbû û di peyarêyê de jî xisareke qismî pêk hat.

Piştî bûyerê, tîmên şaredariyê hatin herêmê, li derdorê tevdîrên ewlehiyê girtin û rê bi awayekî demkî (geçici) ji çûnûhatinê re girtin. Hat ragihandin ku trafîk bi awayekî kontrolkirî tê meşandin heta ku xebatên sererastkirinê bi dawî bibin.