Qeza li ser rêya Qoser-Serêkanîyê, li taxa Karakuyu qewimî.

Du otomobîl li hev ketin; nav û plakayên ajokaran nehatin diyarkirin.

Di encama qezayê de, F.Ö. (71), A.Ö. (33), M.Ö. (28), R.Ş. (31) û kesekî 37 salî yê ku navê wî nehatiye diyarkirin birîndar bûn.

Piştî agahdarkirinê, tîmên tendurustî û jendermeyan ji bo cihê bûyerê hatin şandin.

Piştî dermankirina destpêkê ji aliyê tîmên bijîşkî ve, birîndar bi ambulansê birin Nexweşxaneya Dewletê ya Qoserê.

Hat hînbûn ku rewşa birîndaran ne di xetereya jiyanê de ye, û lêpirsîna li ser qezayê hatiye destpêkirin.