Karwana Hêvîyê, bi tevî desteka xêrwazan hêvîbûnîya xwe didomîne. Şîrîn Koçyigita ku li navçeya Artukluya Mêrdînê dijî, piştî ku mêrê wê wan terk kir, bi tevî sê zarokên xwe di nav tinebînîyê de di ortê de man.

Malbata Koçyigit ku nêzê 10 roj e di nav tarîtîyê de dijî hat ferqkirin û ji wan re alîkarî hat kirin. Karwana Hêvîyê, bi tevî alîkarîya xêrxwazan ji malbatê re sarinc, makîneya cilşûştinê û yên dinê stand.

Serokê Karwana Hêvîyê yê Mêrdînê Abdulazîz Onen, derheqê xebatê de axivî û ji bo malbatê bang li xêrxwazan kir.

Onen weha got, “Em li taxa Kortakê ne. Ajansa Nûçeya ÎLKEyê malbatekî kiribû xeber û li ser wê xeberê em hatin li vê derê. Bi rastî jî malbat gelek di nav zor û zehmetîyê de ye. Bavê malbatê wan terk kirîye. Dayîk bi tevî sê zarokên xwe li vê derê ye. Mala wan wêran e. Digel vêya di nav kirê de ne. Ji ber deynê ceryanê ev bû 10 roj e di nav tarîtîyê de dijîn. Heger rayedarekî vê malbatê dîtibe û tiştekî nekiribe ev bêhestyarîyekî mezin e. Ma ev hale ku gohên xwe nadên gelê xwe. Ji ber vê yekê divê lazimatîya vê malbatê bên temînkirin. Herî hindik divê ji wan re ceryan bê dayîn. Di vî warî de em bang li rayedaran dikin. Em wek Karwana Hêvîyê çi ji destê me were em ê bikin. di heman demê de em bang li xêrxwazan jî dikin ku bila alîkarîyê bikin.” (ÎLKHA)