"Qeza, li ser rêya Midyad û Dargeçîtê, li nêzî gundê Barîştepeyê pêk hat. Wesayîta bazirganî ya sivik a bi plakaya 47 IJ 654 û otomobîla bi plakaya 16 Z 3344 ku navê şofêrên wan nehatin hînbûn, ser bi ser li hev xistin.

Li ser agahdarkirinê, tîmên tenduristiyê, cendirme, polîs û tîmên îtfaiyeyê sewqî cihê bûyerê hatin kirin. Di kontrola tîman de hat tespîtkirin ku 3 kesên di nav wesayîtên ku bûne wekî parçehesin (hurde) de, jiyana xwe ji dest dane.

Piştî mudaxileya ewil a tîmên tenduristiyê, birîndarên bi navê A.T. (32) û S.A. (64) bi ambûlansan rakirin Nexweşxaneya Dewletê ya Midyadê. Hat ragihandin ku rewşa tenduristiyê ya birîndaran baş e.

Piştî lêkolîna li cihê qezayê, cenazeyên kesên ku mirine ji bo tespîtkirina nasnameyê û otopsiyê rakirin morgê. Der barê qezayê de lêpirsîn hat destpêkirin."