Bûyer, saetên sibê li taxa Zafer a navçeya Battalgaziyê qewimî.

Li gorî agahiyên hatine bidestxistin, çar karkerên Îranî yên ku di înşaeta qada rezervê ya TOKÎ ya li Kolana Şehit Yavuz Arslan de dixebitin, di odeya înşaetê de ji bo germ bibin û şevekê lê bimînin, di kovîyekê de komirê şewitandin.

Gaza karbonmonoksîtê ya tîr a ku di hawîrdora girtî û bi hewayeke nebaş de çêdibe bandor li karkeran kir.

Dema ku karkerek serê sibê bêhiş şiyar bû û rewş ferq kir, 112 hate agahdarkirin.

Piştî agahdarkirinê, tîmên tenduristiyê û polîsan bo cihê bûyerê hatin şandin.

Di lêpirsîna destpêkê ya ku ji hêla tîman ve hat kirin de, hat destnîşankirin ku karkerek miriye.

Sê karkerên ku ji gazê bandor bûne bi ambulansê rakirin Nexweşxaneya Dewletê ya Battalgaziyê.

Her çend hat hînbûn ku rewşa tenduristiyê ya yek ji karkeran giran e jî, lê talûkeya jiyana her du karkerên din nîne.

Cenazeyê karkerê mirî ji bo otopsiyê birin Morga Saziya Tiba Edlî ya Meletiyê.

Derbarê bûyerê de lêpirsîn hatiye destpêkirin. (ÎLKHA)