Krîza mirovî li Şerîda Xezzeyê kûrtir dibe. Ji ber sermaya dijwar û şert û mercên hewayê yên dijwar sê kes, ku yek ji wan pitikek du mehî ye, şehîd bûn.

Wezareta Tenduristiyê ragihand ku hejmara qurbaniyên hilweşîna avahiyan ji ber bahoz û hewaya sar gihîştiye 17 kesan.

Baran, bayên bihêz û pêlên behrê konên malbatên koçber tijî kirin, û gihîştina pêdiviyên bingehîn hîn dijwartir kir.

Ji aliyê din ve, rejîma sîyonîst 83 roj in peymana agirbestê îxlal dike.

Topxane û êrîşên asmanî li deverên cuda yên Xezzeyê zêde bûn. Balafirên şer deverên rojavayê Refah û Beyt Lahiyayê kirin hedef, di heman demê de droneyan li Dêr el-Belah, Benî Suheyla rojhilatê Xan Yûnis û derdora Kampa Penaberan a Megazî êrîş pêk anîn. Di van êrîşan de zarokek û jinek birîndar bûn.

Ji dema ragihandina agirbestê di 11ê Cotmehê de, ji ber îxlalkirinên rejîma siyonîst li Xezzeyê 414 Filistînî şehîd bûn û 1147 kes jî birîndar bûn, termên 680 şehîdan jî ji bin kavilan hatin derxistin.

Ji 7ê Cotmeha 2023an vir ve êrîşên ku berdewam dikin, gihaştiye 71.266 şehîd û 171.222 birîndaran.

Îxlalkirin bi tenê li Xezzeyê sînordar nebûn. Li Şerîaya Rojava, li başûrê Nablusê, di navbera bajarokên Awurîf û Aynabusê de, Kays Sami Casir Allan ê 20 salî dema ku dagirkerên siyonîst gule li wesayîtekê reşandin şehîd bû. Di heman êrîşê de çar kesên din jî birîndar bûn.

Bûyeran careke din eşkere kir ku agirbest li ser erdê bi bandor kar nake, û rewşa mirovî ya xirab a li Xezzeyê, ku ji serma, birçîbûn û êrîşan pêk tê, roj bi roj kûrtir dibe. (ÎLKHA)