Digel agirbesta ku di 10ê Cotmehê de ket meriyetê jî, artêşa îşxalker êrîşên xwe yên li ser Xezzeyê didomîne.

Wezareta Tenduristiyê ya li Xezzeyê ragihand ku cenazeyên 14 Filistîniyên ku di êrîşên artêşa îşxalker de şehîd bûne, ji nexweşxaneyan re hatine veguhestin û 17 kes jî di êrîşan de birîndar bûne.

Di daxuyaniyê de hat gotin ku ji dema destpêkirina agirbestê ve, di êrîşên artêşa îşxalker de 439 kes şehîd bûne, 1223 kes birîndar bûne û 688 cenaze ji bin xirbeyan hatine derxistin.

Li gorî raporê, hejmara şehîdan di êrîşên ku ji aliyê dagirkerên siyonîst ve li ser Xezzeyê di cotmeha 2023an de hatin kirin de gihîştiye 71 hezar û 409 kesan û hejmara birîndaran jî gihîştiye 171 hezar û 304 kesan.

Tevî agirbesta li Xezzeyê hatîye kirin jî, artêşa sîyonîstan hema hema her roj bi hincetên cûrbecûr êrîşan li dijî Filistîniyan dike. (ÎLKHA)