Mebusê HÜDA PARî Faruk Dinç, çarçoveya xebatanê xo yê sahayî de dewanê Pîranî zîyaret kerd û şarî de ame têhet, meseleyê herêmî cayê ci de tespît kerdî.

Sereyê Partîya Pîranî Ali Göçtürk û heyetê ci zî programê zîyaretî de Dinçî rê hemrayî kerd. Dinçî programê xo de verê her çî merkezê qezayî de Mektebê Şehîd Bîlal Dicle Anadolu Îmam Hatîpî zîyaret kerd. Dinç uca de Mudirê Mektebî Burhan Akalpî de qisey kerd û derheqê fealîyetanê perwerdeyî de melumat gırot. Dinçî va ke "perwerde seba ameyoxê komelî zaf muhîm o" û xebatanê înan ra dewa perwerdeyî rê sipas kerd.

Dinç û heyetê ci, merkezê qezayî de taziye-yê keyeyê Bozkaya zî beşdar bîyî û nêzdîyanê merdeyî rê serweşîye waşt.

Dıma Dinç derbazê zîyaretanê dewan bî û dewa Xraba (Arı) de meseleyê şarî yê binesazîya elektrîkî goştarî kerdî. Şarê dewe va ke xetê elektrîkî serran ra nat nêameyê nûkerdene û elektrîk zaf şono. Reyna şikîyat kerdî ke verê keyeyanê înan de tîjî (roşna) çîn a la pereyê aye fatura ra gêrîyeno. Reyna hat zanayene ke kemasîya kanalîzasyonî, boya xirabe û zafbîyayışê sêrîyan (pêşîyan) weşîya şarî keno rîsk.

Dewa Bankırs (Tepe) de zî seba ke 30 henzar donim erdê înan awe bıgiro, telebe kerd ke Bandawa Pîranî ra kanalê awdayışî bêro viraştene. Hemwelatîyan waşt ke rayê dewe bêrê rastkerdene, pirdî bêrê temîrkerdene û kemasîyê binesazî bêrê wedartene.

Mezraya Çolağan (Taşlı) ya ke girêdayîya dewa Üzümlü ya de zî Dinç şarî de ame têhet. Uca de zî miletî serba kemasîya raye û awa şebekeyî dertê xo vatî.

Zîyaretan ra dıma Mebus Dinçî eşkerayîyêka çapemenîye da û va: "Ma do peyê heme meseleyanê şarê xo de bîy û nê meseleyan û tengatîyan berê roşannama Meclîsî."